之前係Story講過關於尿道炎嘅事、
發覺原來好多女仔都有呢個煩惱。
#以下係讀者分享
尿道炎嘅時候，記得去做檢查同埋乖乖食藥，如果不斷復發嘅話就要搵源頭（尿道炎同妹妹不適都係！）
我覺得有用嘅方法：
1 飲水。去廁所。有得痾就痾。我以前返office都唔會理人地點講，口渴就飲水 急就去，因為佢地唔會可憐你發炎，反而慣咗你成日去廁所就無嘢😂
2 換哂底底做純棉，3-6個月就換新。以前鐘意著靚靚底底，滑lulu個d係種菌好地方🤪之後係搞嘢前先換條靚嘅俾男朋友睇🙈
3 唔用女性淨膚液。好重要，無用就無咁痕。婦科醫生教沖涼用花灑淋外面（唔係勁大水力的話），沖走d菌。我覺得work。乾嘅可以搽凡士林，我就搽藥膏嘅。
4 睇中醫。皮膚問題會有改善。減少食西藥同抗生素係好事。
5 搞嘢前後要大家都洗乾淨😇係由頭到腳洗 唔好諗住淨係洗手洗J就夠 情到濃時你點知佢會用咩🤭搞完即刻痾尿同沖涼
6 飲食上照顧好自己。見有人話腸好就好返，依個係真，但戒咩食咩就好睇個人，唔洗盲戒奶蛋牛糖海鮮乜乜乜，你當所有嘢都係食物敏感咁睇，食完有唔舒服咪敏感囉，咁咪食少d/唔食💁🏻♀️狀態好d個陣就逐樣試
記住壓力都會影響身體🤷🏻♀️
利申：尿道炎幾年無復發。妹妹問題仍然努力中
#健康 #插畫
Search